ເກຣັກ ລົງນາມເຊັນສັນຍາໃນຂໍ້ຕົກລົງສັ່ງຊື້ເຄື່ອງບິນຂັບສູ້ Rafale ຈາກຝຣັ່ງເພີ່ມອີກ 6 ລຳ
ອີງຕາມສຳນັກຂ່າວເຈນລາຍງານວ່າ: ເມືອບໍ່ດົນມານີ້, ປະເທດເກຣັກ ໄດ້ລົງນາມເຊັນສັນຍາໃນຂໍ້ຕົກລົງສັ່ງຊື້ເຄື່ອງບິນສູ້ຮົບຮຸ້ນ
assault Rafale ເພີ່ມຕື່ມອີກຈຳນວນ 6 ລຳຈາກຝຣັ່ງ ໂດຍທັງສອງຝ່າຍແມ່ນໄດ້ເຊັນສັນ ຍາກັນລະຫວ່າງສອງ ລັດຖະມົນຕີ
ກະຊວງປ້ອງກັນປະເທດ, ເຊິ່ງກ່ອນໜ້ານີ້ເກຣັກເຄີຍສັ່ງຊື້ເຄື່ອງບິນສູ້ຮົບລຸ້ນດັ່ງກ່າວໄປແລ້ວຈຳນວນ 18 ລຳ.
ເຄື່ອງບິນສູ້ຮົບ Rafale ຈຳນວນ 18 ລຳທຳອິດ ຂອງກອງທັບເກຣັກ ປະກອບມີເຄື່ອງ ບິນສູ້ຮົບ Rafale ມືສອງຈຳ ນວນ 12
ລຳ ຈາກຝຣັ່ງ ແລະ ໃນຈຳນວນ 12 ລຳ ແມ່ນມີລຸ້ນ Rafale B ທີ່ມີສອງບ່ອນນັ່ງ 10 ລຳ ແລະ ເຄື່ອງບິນສູ້ຮົບ Rafale C ຮຸ້ນ
ບ່ອນນັ່ງດຽວ 2 ລຳ ພ້ອມກັບເຄື່ອງບິນສູ້ຮົບຮຸ້ນ Rafale F3R ລຸ້ນສ້າງຂຶ້ນໃໝ່ອີກຈຳນວນ 6 ລຳ.
ສຳລັບການລົງນາມເຊັນສາຍາໃນຂໍ້ຕົກ ລົງສັ່ງຊື້ຄັ້ງນີ້ມີຈຳນວນ 6 ລຳ ຂໍ້ມູນບໍ່ໄດ້ມີການເປີດເຜີຍລາຍອຽດວ່າສັ່ງຊື້ເຄື່ອງສູ້ຮົບ
ລຸ້ນໃໝ່ ຫຼື ເຄື່ອງບິນສູ້ຮົບມືສອງ ຖ້າຫາກເປັນເຄື່ອງບິນຮຸ້ນ Rafale F3R ຈະມີການຕິດຕັ້ງລູກສອນໄຟລຸ້ນປ່ອຍນຳວິຖີລຸ້ນ
BVRAAM: Beyond Visual Range Air-to-Air Missile ແລະ ອາວຸດປ່ອຍນຳວິຖີຈາກ ອາກາດສູ່ພື້ນທີ່ມີຄວາມແມ້ນ
ຢ້ຳສູງຮຸ້ນ Laser ຮຸ້ນໃໝ່ຫຼ້າສຸດ, ຕິດຕັ້ງກ້ອງຊີ້ເປົ້າໝາຍອາກາດໄລຍະໄກຮຸ້ນ Thales TALIOS (Targeting Long-
range Identification Optronic System) ພ້ອມທັງຕິດຕັ້ງລະບົບຫຼີກລ່ຽງການບິນແບບອັດຕະໂນມັດ.
ແຫຼ່ງທີ່ມາ: ໜັງສືພິມກອງທັບ
ວັນທີ 26/01/2024